Toshkentda daraxt tagidan psixotrop moddalar kovlab olayotgan shaxs qo‘lga olindi
Bu haqda Milliy gvardiya axborot xizmati ma’lum qildi.
16-yanvar kuni Toshkent shahri Yakkasaroy tumanida Milliy gvardiyaning Qo‘riqlash bo‘limi hamda ichki ishlar xodimlari hamkorligida o‘tkazilgan tezkor tadbir davomida xususiy turar-joylar yaqinidagi daraxtlarning biri tagidan psixotrop moddalarni kavlab olayotgan shaxs qo‘lga olindi.
Olib borilgan dastlabki surishtiruv mobaynida ushbu shaxs 26 yoshli fuqaro A. X. ekani ma’lum bo‘lib, unga mazkur joyning manzilini Telegram messenjeri orqali yuborishganini, shuningdek psixotrop va giyohvand moddalarning noqonuniy aylanmasi orqasida turgan shaxslarni tanimasligini bildirgan.
Hozirda mazkur holat yuzasidan IIO xodimlari tomonidan tergovga qadar surishtiruv ishlari davoi ettirilmoqda.
