Qalin tuman sabab Toshkent aeroporti faoliyati cheklandi
Ayrim reyslar boshqa aeroportga yo'naltirilgan.
Qalin tuman sabab ko‘rish masofasining pasayishi (150 metr) “Toshkent” xalqaro aeroportida havo kemalarini qabul qilishni chekladi.
Xususan, Qanot Sharq aviakompaniyasining HH2234 (Fukuok – Toshkent) reysi kutish hududida bo‘lganidan so‘ng Samarqanddagi muqobil aerodromga yo‘naltirildi.
“Silk Avia” aviakompaniyasining US802 (Buxoro – Toshkent) reysi ham Samarqanddagi muqobil aerodromga yo‘l oldi.
Parvoz jadvaliga kiritilgan o‘zgartirishlar to‘g‘risidagi batafsil maʼlumotlarni aviatashuvchidan olish mumkin.
