YTH oqibatida o‘zbekistonlik oila halok bo‘ldi
Bu Gʻarbiy Qozog‘iston viloyatidagi Oqjayq tumani Uralsk-Atirau trassasida sodir bo‘lgan.
41 yoshli O‘zbekiston fuqarosi boshqaruvidagi Mazda CX-7 yuk mashinasi bilan to‘qnashib ketgan va uch kishi vafot etgan.
YTH taxminan 20 yanvar kuni, soat 17:00 larda Gʻarbiy Qozog‘iston viloyatidagi Oqjayq tumani Uralsk-Atirau trassasida sodir bo‘lgan. Ma’lum qilinishicha, 41 yoshli O‘zbekiston fuqarosi boshqaruvidagi Mazda SX-7 rusumli avtomobil qarama-qarshi yo‘lga chiqib ketib, yuk mashinasi bilan to‘qnashib ketgan.
Yo‘l-transport hodisasi oqibatida Mazda SX-7 haydovchisi va ikki nafar yo‘lovchi, 1984-yilda tug‘ilgan ayol va 2012-yilda tug‘ilgan voyaga yetmagan ikkki kishi voqea joyida halok bo‘lgan, ularning barchasi bir oila a’zolari bo‘lgan. Mashinada bo‘lgan to‘rt kishidan faqat 14 yoshli o‘smir tirik qolgan. Ayni paytda u tuman kasalxonasiga yoqtizilgan.
