Messi va Ronalduda muammolar bor
Futbol afsonalari 2024 yilni qanday boshlashdi?
Jamoalarining ilk rasmiy o‘yinlariga bir oydan kam vaqt qoldi. Bu orada argentinalik futbolchi gol ura olmayapti, portugaliyalik esa jarohat olgan. Yanvar oyida Lionel Messi FIFA talqiniga ko‘ra yilning eng yaxshi futbolchisi deb topildi. Bu qarordan keyin argentinalik futbolchining 2023 yilda katta muvaffaqiyatga erishmagani ko‘pchilikning eʼtiborini tortdi. Shuningdek, Krishtianu Ronaldu kuchli 30 talikka kiritilmagani ham juda ajablanarli edi . Portugaliyalik o‘z navbatida Globe Sosser Avard da uchta sovrinni qo‘lga kiritdi. Messi va Ronaldu jamoalari qishki mashg‘ulotlarni qanday o‘tkazishmoqda? 2024 yilda ilk rasmiy o‘yin qachon bo‘lib o‘tadi?
«Inter» bungacha ikkita sinov o‘yini o‘tkazdi. Dastlab Xerardo Martino jamoasi Salvador terma jamoasi bilan uchrashdi. Amerika klubi ustozi dastlabki daqiqalardan ancha kuchli tarkibni maydonga chiqardi. Jamoaning barcha mashhur futbolchilari asosiy tarkibda maydonga tushishdi: Messi, Xordi Alba, Serxio Buskets va yangi kelgan Luis Suares.
Darvoqe, Messi hisobni ochish uchun ko‘p imkoniyatga ega bo‘ldi. Bo‘lim oxirida Salvador terma jamoasi darvozaboni yulduz futbolchining zarbalarini ikki marta bartaraf etdi. Qizig‘i shundaki, "Inter Mayami"dan kelgan samolyot Salvadorga qo‘nganda klub aʼzolari uchun qizil gilam yoyilgan. O‘yin uchun chiptalar narxi 200 dan 475 dollargacha sotilgan, ammo uchinchi tomon sotuvchilari narxni yana-da oshirgan bo‘lishi mumkin. Shunga qaramay, Messining mavsum oralig‘idagi ilk o‘yinini taxminan 53 ming tomoshabin tomosha qildi.
Bir necha kundan so‘ng «Inter» Texasga yetib keldi va u yerda ularni «Dallas» bilan o‘rtoqlik o‘yinini o‘tkazdi. Jamoa odatda uy o‘yinlarini Dallasning chekkasida joylashgan Friskoda o‘tkazdi, u yerda stadion taxminan 20 000 tomoshabinga mo‘ljallangan. Ammo Messining kelgani sababli klub mavsum oralig‘ida Sotton Bovl stadionida o‘yin o‘tkazdi. O‘yinga 32 mingdan ortiq odam tashrif buyurdi.
"Messiga qarshi o‘ynash - ajoyib imkoniyat", - dedi Dallas prezidenti Den Xant o‘yin oldidan. — Aksariyat futbolchilarda bunday imkoniyat yo‘q. Ammo bu barcha davrlarning eng zo‘r futbolchisi. Balki, u Peledan keyin ikkinchi o‘rinda turar. Messining bizning chempionatda ekanligi ajoyib."
Messi, Suares, Alba va Buskets yana asosiy tarkibda maydonga tushishdi. Biroq, bu «Inter»ga hech qanday yordam bermadi. Klub 0:1 hisobida mag‘lub bo‘ldi. Boshqa tomondan, Mayami klubi qanday qilib maydonni golsiz tark etgani mutlaqo tushunarsiz.
Ronaldu, Messidan farqli o‘laroq, hali 2024 yilda maydonga tushmagan. Shu bilan birga, “Al-Nasr” Xitoyga keldi va u yerda mahalliy klublar bilan bir nechta sinov o‘yinlari o‘tkazishi kerak. Saudiya klubi u yerga Ronaldu bilan uchib ketdi va bu aeroportda jiddiy shov-shuvga sabab bo‘ldi. Olomon portugaliyalik yulduzning oldiga suratga tushish yoki dastxat olishga harakat qilishdi. Aeroport xodimlari muxlislarni majburan majburan to‘xtatib qolishdi.
Biroq, ertasi kuni "Al-Nasr" Ronalduning jarohati haqida xabar berdi.
“Sizlar uchun juda afsusdamiz, “Al Nasr”ning qishki yig'ini Krishtianu Ronalduning sog‘lig‘i bilan bog‘liq muammolar tufayli qoldirilgan. U jarohati tufayli o'ynay olmaydi. Muxlislarga chiptalar uchun pul to‘liq qaytariladi, shuningdek, parvoz va mehmonxona xarajatlari qoplanadi”, — deya xabar beradi “Al-Nasr” matbuot xizmati.
Ronalduning o‘zi Xitoyga albatta qaytishini ta’kidladi: “Men juda xafaman – axir, "Al-Nasr" bilan Xitoyga yig'indan zavq olish uchun kelganmiz. Bu yerda o‘zimni uydagidek his qilaman. Hozir xafaman. Bilaman, siz ham g'amginsiz, ayniqsa Krishtianuni yaxshi ko'radiganlar, lekin biz bu yerda yaxshi narsani ko'rishimiz kerak. Biz o'yinni bekor qilganimiz yo'q, biz uni o'tkazmoqchimiz. Afsuski, hozir menda ba'zi muammolar bor, ammo bu meni hayotimning bir qismi."
"Inter Mayami" juda tig'iz dasturga ega. Jamoa Osiyoga safar qiladi va uchta davlatga tashrif buyuradi. Saudiya Arabistonida klub ushbu mamlakatning ikki top-klubi – “Al-Hilol” (29-yanvar) va “An-Nasr” (1-fevral) bilan uchrashadi. Shundan so'ng Amerika klubi Gonkongga uchib ketadi va u yerda (4-fevral) mahalliy chempionatning eng yaxshi futbolchilari jamoasi bilan o'yin o'tkazadi. Ushbu o'yinga chiptalar (stadion taxminan 40 ming tomoshabinga mo'ljallangan) bir soat ichida sotilib ketdi. 7-fevral kuni esa "Inter" Yaponiyada bir vaqtlar Andres Iniesta o'ynagan mahalliy "Vissel Kobe" klubi bilan o'ynaydi. 16-fevral kuni “Inter Mayami” Argentinaning “Nyuells Old Boyz” klubi bilan sinov uchrashuvi o‘tkazadi. Aytgancha, bu Messi bolaligida o'ynagan jamoa. Aynan shu yerdan u keyinchalik "Barselona" akademiyasiga ko'chib o'tgan. "Inter" uchun navbatdagi MLS chempionati 22-fevral kuni boshlanadi.
“Al-Nasr”ni oldinda “Inter Mayami” (1-fevral) va “Al-Hilol” (8-fevral) bilan sinov uchrashuvlari kutib turibdi. Saudiya Arabistoni chempionati 17-fevral kuni davom ettiriladi, biroq ungacha “Al-Nasr” Osiyo chempionlar ligasi 1/8 finalining ilk o‘yinini o‘tkazadi.
