“Germaniyada kasbiy taʼlim” loyihasi amalga oshirilmoqda
Bu yil 10 ming nafar yoshlarni nemis tiliga o‘qitish rejalashtirilgan.
Yoshlarning chet tillarini va kasb-hunar o‘rganishga bo‘lgan ehtiyojini qondirish, ularni ichki va tashqi mehnat bozorida raqobatbardosh kadrlar sifatida tayyorlash tizimini yana-da takomillashtirish yo‘nalishida bir qator ishlar amalga oshirilmoqda.
Jumladan, “Kelajak kasblari” loyihasi orqali 17 ming nafar yoshlar zamonaviy kasblar va xorijiy tillarni o‘rgangan bo‘lsa, “Ibrat farzandlari” loyihasi doirasidagi “Ibrat Academy” mobil ilovasi yordamida mavjud 22 ta tilni 468 ming nafar foydalanuvchilar o‘rganmoqda.
Ularning 20 ming nafari aynan nemis tili kurslarini o‘rganayotgan yoshlarni tashkil etadi.
2024 yilda 10 ming nafar yoshlarni nemis tiliga o‘qitish, ularning 1000 nafarini joriy yilda Germaniya Federativ Respublikasiga kasbiy taʼlim olish va ishga yuborish rejalashtirilgan.
