Farg‘onadagi “zapravka”da fuqarolar janjallashdi
Holat bo‘yicha viloyat IIB rasmiy munosabat bildirdi.
Farg‘ona viloyatida metan gaz quyish shoxobchasida janjal ko‘targan shaxslar maʼmuriy javobgarlikka tortildi.
Qayd etilishicha, 2 fevral kuni O‘zbekiston tumani Dahanaqaqir MFYda joylashgan gaz quyish shoxobchasida fuqaro O.J. o‘zaro kelishmovchilik sababli fuqaro B.U. bilan tortishib qolgan va holatga O.J.ning yaqin qarindoshi O.T. ham aralashib, o‘rtada o‘zaro janjal kelib chiqqan.
Mazkur holat shu yerda jamoat tartibini saqlayotgan tuman IIB xodimlari tomonidan bartaraf etilib, tegishli hujjatlar rasmiylashtirilgan.
Sud tibbiy ekspertiza xulosasida ushbu fuqarolarning har birida yengil shikastlar toifasiga kiruvchi jarohatlar aniqlanganligi sababli yuqoridagi shaxslarga nisbatan MJtKning 52-moddasiga asosan bayonnomalar rasmiylashtirilib, qonuniy qaror qabul ko‘rishlik uchun jinoyat ishlari bo‘yicha O‘zbekiston tuman sudiga yuborilgan.
