Ota-bola haydovchilar 54 ta qoidabuzarlik sodir etdi
Ayni vaqtda ma’muriy jarimalarni undirish borasida tizimli ishlar amalga oshirilda.
Majburiy ijro byurosi organlari tomonidan Ichki ishlar vazirligining Davlat yo‘l harakati xavfsizligi xizmati bilan hamkorlikda yo‘l harakati qoidalari buzilgani uchun qo‘llanilgan ma’muriy jarimalarni undirish borasida tizimli ishlar amalga oshirib kelinmoqda.
Jumladan, yakkabog‘lik A.M o‘ziga tegishli bo‘lgan “Nexia3” rusumli avtotransport vositasi bilan 33 marotaba, otasi T.Y “Gentra” avtomashinasi bilan 21 marotaba turli ko‘rinishdagi qoidabuzarliklar sodir etgan va jarimalarni to‘lamasdan kelgan. Natijada, “Nexia3” avtomashinasida 16.5 mln so‘m, “Gentra” avtomashinasida 7.3 mln so‘m qarzdorlik yuzasiga kelgan.
Majburiy ijro byurosining Yakkabog‘ tuman bo‘limi tomonidan olib borilgan ijro harakatlari natijasida mazkur ikkita avtotransport vositasi ham topilib, xatlandi.
Kelgusida, qarzdorlik to‘lab berilmagan taqdirda, ushbu avtotransport vositalarini onlayn-auksion savdolariga chiqarish choralari ko‘riladi.
