Haydovchi YPX xodimining ratsiyasini olib, qochib ketdi
Farg‘ona shahridagi holat yuzasidan viloyat IIB ma'umot berdi.
Jamoat joyida haqoratli so‘zlar bilan so‘kinib, jamoat tartibini va fuqarolarning osoyishtaligini buzgan, ichki ishlar organlari xodimining qonuniy talablarini bajarmagan hamda IIO xodimiga tegishli maxsus vositani olib, ketib yuborgan Damas haydovchisi shaxsi aniqlanib, ushlandi.
Mazkur holat yuzasidan tergovga qadar tekshiruv harakatlari olib borilmoqda. Yakuniga ko‘ra, qonuniy qaror qabul qilinadi.
“Damasda qatnayman. Xodim keldi, hujjatlarimni ko‘rsatdim. Inspektor noto‘g‘ri parkovka qilinganini aytdi. Jarima qimmatligidan jahlim chiqib so‘kindim va ratsiyasini olib ketdim. Qilgan ishimdan pushaymonman. Boshqa takrorlanmaydi. Xodimlar va fuqarolardan harakatlarim uchun kechirim so‘rayman”, — deydi haydovchi.
