Toshkentda uy-joy ijara narxlari pasaymoqda

Makroiqtisodiy va hududiy tadqiqotlar instituti mutaxassislari 2024-yilning fevral oyida Toshkent shahrida taklif etilgan uy-joy ijara narxlarini tahlil qilishdi.

 

Toshkent shahrida ijara narxlari pasayishda davom etmoqda. 2024 yil fevral oyida poytaxtda o‘rtacha taʼmirlangan turkumdagi xonadonlar ijara narxlarida yanvar oyiga nisbatan o‘rtacha 0,34 foizga, to‘liq taʼmirlangan turkumdagi uy-joylar ijara narxlarida esa o‘rtacha 0.13 foizga tushish kuzatildi.

 

O‘rtacha taʼmirlangan uy-joy ijarasi. 2024 yil fevral oyida ushbu sinfdagi 1 xonali xonadonlar uchun taklif etilgan ijara narxlari o‘tgan yanvar oyiga nisbatan o‘rtacha 0.3 foizga pasayib, 394 AQSH dollarini tashkil etgan bo‘lsa, 2 xonali xonadonlar ijara narxlari esa 0,2 foizga arzonlab, o‘rtacha 441 AQSH dollarigacha tushdi. Shuningdek, o‘rtacha taʼmirlangan 3 va 4 xonali uylar ijara narxlari 0.4 foizga pasayib, o‘rtacha narxlar mos ravishda 514 va 594 AQSH dollarini tashkil etdi.

 

O‘rtacha taʼmirlangan turkumdagi uylar uchun nisbatan arzon ijara narxlari Sergeli (1 xonali - 358 AQSH dollari, 2 xonali - 393 AQSH dollari, 3 xonali - 435 AQSH dollari, 4 xonali - 450 AQSH dollari), Olmazor (1 xonali - 357 AQSH dollari, 2 xonali - 415, 3 xonali - $455, 4 xonali - $490) tumanlarida taklif etilgan bo‘lsa, ushbu turkumdagi eng qimmat ijara narxlari Yakkasaroy (1 xonali - $420, 2 xonali - $488, 3 xonali - $657, 4 xonali - $738) va Mirobod (1 xonali - $467, 2 xonali - $520, 3 xonali - $620, 4 xonali - $832) tumanlarida kuzatildi.

 

Maʼlumot uchun: 2023 yil noyabr oyidan 2024 yil fevral oyigacha bo‘lgan davrda o‘rtacha taʼmirlangan 1 va 2 xonali uylar uchun o‘rtacha ijara narxlari mos ravishda 1,8% ($401 dan $394ga) va 2,4%ga ($452 dan $441ga) tushgan.

 

To‘liq taʼmirlangan uylar ijara narxlari. Fevral oyida to‘liq taʼmirlangan 1 xonali uylar uchun o‘rtacha ijara narxlari $475 ni tashkil etib, o‘tgan yanvar oyiga nisbatan 0.3 foizga tushgan bo‘lsa, 2 xonali uylar uchun ushbu ko‘rsatkichlar mos ravishda $651 va 0.6 foizni tashkil etgan. Shuningdek, 3 xonali uylar uchun taklif etilgan o‘rtacha ijara narxlarida ($790) ham biroz (0,1%) tushish kuzatildi. Lekin, to‘liq taʼmirlangan 4 xonali uylar o‘rtacha ijara narxlari 0.4 foiz oshib, $919 gacha ko‘tarilgan.

 

To‘liq taʼmirlangan turkumdagi uylar uchun eng arzon ijara narxlari Sergeli (1 xonali - $393, 2 xonali - $462, 3 xonali - $560, 4 xonali - $761) va Uchtepa (1 xonali - $401, 2 xonali - $498, 3 xonali - $617, 4 xonali - $850) tumanlarida hamda ushbu turkumdagi eng qimmat ijara narxlari Shayxontohur (1 xonali - $555, 2 xonali - $848, 3 xonali - $1057, 4 xonali - $1028) va Mirobod (1 xonali - $570, 2 xonali - $861, 3 xonali - $1024, 4 xonali - $1128) tumanlarida kuzatildi.