Ramazon Hayitida necha kun dam olinadi?
Bu bo‘yicha taxminiy sanalar eʼlon qilindi.
Huquqshunos Xushnudbek Xudoyberdiyev o‘zining telegram-kanalida Ramazon hayiti arafasida o‘zbekistonliklar necha kun dam olishi haqida yozdi.
Taʼkidlanishicha, Ramazon hayitining birinchi kuni hozircha aniq emas. Shariat qoidalari bo‘yicha Hayit kuni yangi oy ko‘rinishiga qarab belgilanadi.
Hozirgi rejaga ko‘ra, Ramazon Hayitida ketma-ket 3 kun dam olish kuni bo‘lishi kutilmoqda.
Bular:
- 10 aprel, chorshanba — Ramazon Hayiti kuni;
- 11 aprel, payshanba — barcha uchun qo‘shimcha dam olish kuni;
- 12 aprel, juma — 6 kunliklarga qo‘shimcha dam olish kuni, 5 kunliklarga 13 aprel, shanbadan ko‘chirilgan dam olish kuni;
- 13 aprel, shanba — barcha uchun ish kuni;
- 14 aprel, yakshanba — barcha uchun dam olish kuni.
Ramazon oyining 30-kuni 9 aprel, seshanba kuniga to‘g‘ri kelmoqda. Agar yangi oy ko‘rinishi o‘zgarmasa, unda Ramazon Hayiti 10 aprel, chorshanba kuniga to‘g‘ri kelishi mumkin.
Prezident farmoniga ko‘ra, 11 aprel, payshanba kuni barcha xodimlarga qo‘shimcha dam olish kuni etib belgilangan. 12 aprel, juma kuni esa 6 kunliklarga qo‘shimcha dam olish kuni, 5 kunliklarga esa 13 aprel, shanbadan ko‘chirilgan dam olish kuni bo‘ladi.
