Vazir xizmat safariga velosipedda otlandi
"Avtomobilsiz kun": Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov Toshkent vokzaliga yuklarini yelkalagancha velosipedda keldi.
Bugun, 24 aprel Toshkentda navbatdagi “Avtomobilsiz kun” aksiyasi o‘tkazilmoqda.
Bu Prezidentning “O‘zbekiston — 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida“gi Farmonida ko‘rsatib o‘tilgan.
Aksiya doirasida Toshkent shahrida joylashgan barcha respublika va viloyat ijro hokimiyati organlarining rahbar va boshqa xodimlari jamoat transporti, velosiped va atrof-muhitga zarar yetkazmaydigan boshqa transport vositalaridan foydalanishadi.
Sog‘lom turmush tarziga amal qiladigan va tez-tez ishga velosipedda qatnaydigan Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov bugun ham o‘z anʼanasiga sodiq qoldi. Bu haqda Zamon.uz‘ga vazirning matbuot kotibi Lola Rahmonova maʼlum qildi.
“Avtomobilsiz kun” jamoat loyihasiga befarq bo‘lmang va ekologik toza transport vositasini tanlang!
