“Nizo sudda xolis ko‘rilishiga shubhalar bildirilmoqda”
Botir Qodirov va Jo‘rayevlar oilasi sud ishi bo‘yicha bayonot berildi.
Qayd etilishicha, Fuqarolik nizosi taniqli shaxslar o‘rtasida kechayotgani hamda marhum va mashhur inson hayoti bilan bog‘liqligi bois voqealar rivoji keng jamoatchilik tomonidan katta eʼtibor bilan kuzatayotgani, ayni jarayonda ish bo‘yicha taraflarning holatiga tushunish bilan munosabatda bo‘lish mumkin. Biroq nizo sudlashish darajasiga yetib, protsessual jarayonlar davom etayotgan bir paytda taraflar (yoki ularning vakillari) tomonidan ommaviy axborot vositalari va ijtimoiy tarmoqlardagi chiqishlari keng muhokamalarga sabab bo‘lmoqda.
Tarmoqlardagi muhokamalarda hali yakuniga yetmagan ish bo‘yicha turli bashoratlarga berilishlar, suddan avval “qaror chiqarib qo‘yish” holatlari mavjud , eng yomoni, nizo sudda xolis va beg‘araz ko‘rilishiga asossiz shubhalar ham bildirilmoqda. Bularning hammasi sudga nisbatan ijtimoiy bosim paydo qilayotganiga taʼkid shart emas.
“Sudyalar oliy kengashi matbuot xizmati, mavjud vaziyatdan kelib chiqib, ish bo‘yicha taraflarni turli shakl va ko‘rinishda bayonot berishdan tiyilishga, jurnalist va blogerlarni esa shaxsga oid maʼlumotlar hamda sud ishiga doir axborotlarni tarqatishdek nozik va hassos masalaga masʼuliyat bilan yondoshishga chaqiradi”, deyiladi bayonotda.
