Ohangaronda bog‘ yoqib yuborildi
Oqibatda 1500 ga yaqin daraxt yonib ketgani aytilmoqda.
Toshkent viloyatining Ohangaron tumanida bog‘ yoqib yuborildi. Holat yuzasidan viloyat Ekologiya boshqarmasi rasmiy munosabat bildirdi.
Qayd etilishicha, hudud Ohangaron tumani O‘zbekiston MFY hududlaridan oqib o‘tgan Ohangaron daryosi muhofaza mintaqasida nomaʼlum shaxs tomonidan o‘t yoqib yuborilgan. Buning natijasida ushbu hududagi mavjud mevali va manzarali daraxtlar yonib ketishi oqibatida tabiatga zarar yetkazilganligi aniqlangan. Bu bilan “Muhofaza etiladigan tabiiy hududlar to‘g‘risida”gi O‘zbekiston Respublikasi Qonunining tegishli moddalari talablari buzilgan.
Yuqoridagi holatga oydinlik kiritish maqsadida inspektorlar tomonidan huquqni muhofaza qilish organlariga to‘plangan hujjatlar taqdim etilgan.
