Britaniyalik ayol baliq tutib rekord o‘rnatdi
U eng og‘ir baliqni tutgan ayol sifatida eʼtirof etildi.
Britaniyalik ayol 32,9 kilogramm og‘irlikdagi sazan baliqni tutib, yangi rekord o‘rnatdi.
Kembrijshirda baliq ovlayotgan Naomi Tyornerga omad kulib boqdi. Ayol ko‘lda ikki kun o‘tirdi, lekin katta baliqni ushlay olmadi. Keyin u taktikani o‘zgartirishga va qarmoqni chuqurroqqa tashlashga qaror qildi. Tez orada u juda katta narsaga duch keldi.
Maʼlum bo‘lishicha, u ulkan sazanga duch kelgan. Tarozidan so‘ng Tyorner birdaniga ikkita rekord o‘rnatgani maʼlum bo‘ldi. U mamlakat tarixida eng katta sazanini tutgan ayol sifatida rekord qayd etdi.
Eslatib o‘tamiz, avvalgi rekord baliq 30,8 kilogrammni tashkil qilgan.
