Xorazmda yurist pora bilan qo‘lga tushdi
Hozirda unga 2 ta modda bilan ish qo‘zg‘atilgan.
O‘tkazilgan tezkor tadbirda Xorazm viloyati Shovot tuman hokimligining yuriskonsulti M.S. “Yu.Q.” fermer xo‘jaligiga qarashli 70 gektar yer maydonini 3 000 AQSH dollari evaziga fuqaro S.Yu.ning nomiga o‘tkazib berishni vaʼda qilib, oldindan 500 AQSH dollarini olgan vaqtida ashyoviy dalillar bilan ushlangan.
Shuningdek, Toshkent viloyati Zangiota tumanida fuqaro Sh.I. fuqaro Z.J.ga Yuqorichirchiq tumanidagi “S.R.” MCHJ tomonidan ijara shartnomasi asosida foydalanib kelayotgan 260 gektar yer maydonini 400 000 AQSH dollari evaziga uning nomiga rasmiylashtirib olib berishini aytib, oldindan 40 000 AQSH dollarini olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
