Farg‘onada direktor maktabdagi isitish qozonlarini sotib yubordi
Holatga MMTV rasmiy izoh berdi.
Farg‘ona viloyati Marg‘ilon shahridagi 23-maktab direktori maktabga tegishli bo‘lgan eski isitish qozonxonalarni olib chiqib sotib yuborgan. Holat yuzasidan Maktab va maktabgacha taʼlim vazirligi matbuot xizmati maʼlumot berdi.
Qayd etilichicha, xatlov jarayonida har biri 31,5 million so‘m bo‘lgan 3 dona isitish qozoni, 2017 yildagi davlat dasturi asosida mukammal taʼmirdan chiqarilgan vaqtda o‘rnatilgan 2 dona 100 kvt isitish qozonlari maktabda mavjud emasligi aniqlangan.
“Maktab direktori U.Usmonov maktabning xo‘jalik ishlar bo‘yicha direktor o‘rinbosari A.Tillayevning maslahatiga asoslanib, maktabga yangi zamonaviy isitish qozonlari o‘rnatilganligi va yaroqsiz deb olib tashlangan isitish qozonxonalarini maktab obodonlashtirish ishlariga sarflash uchun olib chiqilgan”, — deyiladi rasmiy munosabatda.
Qo‘shimcha qilinishicha, isitish qozonxonalari maktabga qaytarib olib kelib qo‘yilgan.
