Andijonda Damas yo‘lovchisi bilan YTHga uchradi
Oqibatda bir kishi tan jarohati olgan.
Andijon viloyati Oltinko‘l tumanida ikkita avtomashina ishtirokida yo‘l-transport hodisasi yuz berdi.
Kecha, 2 iyun kuni Andijon tumanidan Oltinko‘l tumaniga qarab harakatlanib ketayotgan 26 yoshli X.J. o‘zining Nexia-3 rusumli transport vositasida qayrilib olish joyida qarama-qarshi tomondan kelayotgan Damas rusumli transport vositasini o‘tkazib yubormasdan, keskin ortga qayrilib yuborgan.
Ushbu YTH oqibatida Damas rusumli transport vositasidagi yo‘lovchi N.Z. tan jarohati olib, tuman shifoxonasiga murojaat qilgan.
Hozirda holat yuzasidan Oltinko‘l tumani IIB Yo‘l harakati xavfsizligi boshqarmasi xodimlari tomonidan surishtiruv ishlari olib borilmoqda.
