Samarqandda Damas va Cobalt to‘qnashib ketdi
Holat bo‘yicha viloyat IIB maʼlumot berdi.
Bugun, 13-iyun kuni Samarqand viloyatining Bulung‘ur tumanida odam o‘limi bilan bog‘liq yo‘l-transport hodisasi yuz berdi.
Viloyat IIB xabariga ko‘ra, holat soat 06:30 larda Bulung‘ur tumani Olmazor MFY hududida sodir bo‘lgan. Unda Damas haydovchisi “Toshkent-Samarqand” yo‘nalishida qarama-qarshi tomondan harakatlanib kelayotgan Cobalt rusumli avtomobilga old tomonidan kelib urilgan.
Oqibatda Damas haydovchisi olgan tan jarohatlari sabab shifoxonaga olib ketilayotganda vafot etgan.
Hozirda mazkur holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
