Armaniston Falastin mustaqilligini tan oldi
Bu haqida mamlakat TIV xabar berdi.
“Armaniston Yaqin Sharqda tinchlik va barqarorlik o‘rnatilishidan, yahudiy va Falastin xalqlari o‘rtasida mustahkam tinchlik o‘rnatilishidan chin dildan manfaatdordir, biz har doim turli xalqaro platformalarda Falastin masalasini tinch va keng qamrovli hal etilishi tarafdori bo‘lganmiz va “Isroil-Falastin mojarosini hal etishda “ikki davlat” tamoyilini qo‘llab quvvatlaymiz”, deyiladi Armaniston TIV bayonotida.
Shuningdek, Yerevan BMT Xavfsizlik Kengashining G‘azoda zudlik bilan o‘t ochishni to‘xtatishga chaqiruvchi rezolyutsiyalariga qo‘shilgani aytiladi.
“Ishonchimiz komilki, bu falastinliklar va isroilliklar o‘zlarining qonuniy intilishlarini ro‘yobga chiqarishini taʼminlashning yagona yo‘li, xalqaro huquq va xalqlarning teng huquqliligi, suvereniteti va tinch-totuv yashashi tamoyillariga sodiqligini tasdiqlagan holda, Armaniston Respublikasi Falastin davlatini tan oladi”, deyiladi bayonotda.
