“O‘zbekkonsert” matbuot kotibi o‘zgardi
Ushbu lavozimga Sevara Tulyaganova tayinlandi.
Tulyaganova Sevara Tulkunovna Madaniyat vazirligi huzuridagi “O‘zbekkonsert” davlat muassasasi direktorining axborot siyosati masalalari bo‘yicha maslahatchisi — matbuot kotibi lavozimiga tayinlandi.
S.Tulyaganova tayinlovga qadar Raqobat qo‘mitasi axborot xizmati bosh mutaxassisi, shuningdek, qo‘mita huzuridagi “Axborot texnologiyalarini rivojlantirish markazi” PR boshqarmasi boshlig‘i, farmatsevtika tarmog‘ini rivojlantirish agentligi matbuot kotibi lavozimida faoliyat yuritgan.
Lavozimga tayinlov O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga ko‘ra amalga oshirildi.
