Prezident Rossiya ichki ishlar vazirini qabul qildi
Uchrashuvda oliy darajada erishilgan kelishuvlarning amaliy ijrosi ko‘rib chiqildi.
Prezident Shavkat Mirziyoyev amaliy tashrif bilan O‘zbekistonda bo‘lib turgan Rossiya Federatsiyasi ichki ishlar vaziri Vladimir Kolokolsevni qabul qildi.
Suhbat avvalida davlat rahbari yaqinda Dog‘istonda sodir etilgan terrorchilik xuruji oqibatida halok bo‘lgan huquqni muhofaza qilish idoralari xodimlarining oila aʼzolariga hamdardlik va dalda so‘zlarini bildirdi.
Oliy darajada erishilgan kelishuvlarning amaliy ijrosi ko‘rib chiqildi.
Terrorizm, ekstremizm, narkotrafik va uyushgan jinoyatchilikka qarshi kurashish, shuningdek, kiberxavfsizlik va raqamli ekspertiza sohalaridagi hamkorlikning dolzarb jihatlari muhokama qilindi.
Migratsiya sohasida hamkorlik mexanizmlarining samaradorligini oshirish masalalariga alohida eʼtibor qaratildi.
