Toshkentda bir guruh yigitlar o‘rtasida mojaro kelib chiqdi
Poytaxt IIBB holat yuzasidan maʼlumot berdi.
Toshkentda bir guruh yigitlar boshqa bir bolani majburan mashinaga solishga uringani aks etgan video tarqaldi.
Maʼlum qilinishicha, 24 iyun kuni taxminan soat 23.50 larda Chilonzor tumani Xalqlar do‘stligi metrosi oldida fuqarolar 2002 yilda tug‘ilgan A.U. va uning tanishlari — 2002 yilda tug‘ilgan X.O. va M.A., 2004 yilda tug‘ilgan S.T. va boshqalar o‘zaro kelishmovchilik sababli og‘zaki tortishib qolgan.
So‘ng A.U.ni o‘zlariga tegishli “Matiz” avtomashinasiga o‘tkazayotgan vaqtida IIO PPX xodimlari kelayotganini ko‘rib ushbu fuqarolar qochib ketgan.
Qayd etilishicha, hech kim tan jarohati olmagan va pichoq bilan tahdid qilinmagan.
Mazkur holat yuzasidan Chilonzor tumani IIO FMB tomonidan tergovga qadar tekshiruv o‘tkazilmoqda. Huquqbuzarlardan uch nafari ushlangan, qolganlarni ushlash choralari ko‘rilmoqda.
