Surxondaryoda fuqaro 7 kg narkotik bilan ushlandi
U giyohvandlik vositalarini yuk mashinasi orqali chegaradan olib o‘tayotganda qo‘lga tushgan.
3 iyul kuni soat 22:40 atrofida “Ayritom” chegara bojxona postining avtopavilyoniga kirib kelgan O‘zbekiston fuqarosi boshqaruvidagi yuk mashinasi belgilangan tartibda bojxona nazoratidan o‘tkazildi.
Natijada avtotransport vositasining kabinasida xufiya joyga berkitilgan 7 ta sariq rangli skotch bilan o‘ralgan o‘ramlar borligi maʼlum bo‘lgan.
So‘ngra ushbu o‘ramlar ochilib, maxsus elektron tarozida o‘lchab ko‘rilganda 3 ta o‘ramda jami og‘irligi 3 kg bo‘lgan “opiy” va 4 ta o‘ramda og‘irligi 4 kg 950 gr bo‘lgan “gashish” giyohvandlik vositalari borligi aniqlandi.
Hozirda mazkur holat yuzasidan tergovga qadar tekshiruv harakatlari olib borilmoqda.
