Elektrga to‘lov ikki baravar hisoblanayotgani aytilmoqda
"Hududiy elektr tarmoqlari" AJ holat yuzasidan munosabat bildirdi.
Ijtimoiy tarmoqlarda elektr energiyasi uchun to‘lovlarda hisobga ikki barobar pul hisoblanayotgani to‘g‘risida xabar tarqalmoqda.
"Hududiy elektr tarmoqlari" AJning maʼlum qilishicha, elektr energiyasi uchun to‘lovlarda hisobga ikki barobar pul hisoblanayotgani bilan bog‘liq holat texnik nosozlik ekani maʼlum bo‘ldi.
Kecha, 7 iyun kuni to‘lov tizimlari bilan bog‘liq texnik nosozlik kuzatilgani sabab, to‘lov amalga oshirilganda isteʼmolchi balansida to‘lov qoldig‘i ko‘proq ko‘rsatilishi kuzatilgan. Ayni paytda billing tizimi orqali elektr energiyasi uchun to‘lovlar xatoliksiz qabul qilinmoqda hamda balans qoldiqlari to‘g‘ri shakllantirilmoqda.
Hozirda nosozlik to‘liq bartaraf etilgan.
