Samarqandda Matiz butunlay yonib ketdi
Holat yuzasidan rasmiy munosabat bildirildi.
Samarqandda harakatlanib ketayotgan Matiz yonib ketdi. Bu haqida viloyat IIB JXX YHXB matbuot xizmati xabar berdi.
Qayd etilishicha, 12 iyul kuni soat 16:28 da Samarqand tumanida harakatlanib ketayotgan fuqaro J.O boshqaruvida bo‘lgan Matiz hamda yo‘l yoqasidagi fermer xo‘jaligiga qarashli somon qoldiqlar mavjud maydonda yong‘in sodir bo‘lganligi haqida viloyat FVBga xabar berilgan.
Xabarga ko‘ra, voqea joyiga 2 ta yong‘in-qutqaruv ekipaji soat 16:37 da yetib borib, yong‘in soat 17:18 da o‘chirilgan.
Hodisa oqibatida tan jarohati olgan va halok bo‘lganlar yo‘q. Hozirda holat yuzasidan tergovga qadar tekshirish ishlari olib borilmoqda.
