Namanganda masjidni buzgan qurilish rahbari qamaldi
U tergov davomida 1 mlrd jarima to‘lagan.
Namangan shahridagi XIX asrga oid “Sirli masjid” darvozasi va minorasi to‘liq buzib tashlanishi oqibatida yodgorlikka 554,4 mln zarar yetkazildi.
Maʼlum qilinishicha, Namangan shahridagi “Sirli masjid”ning kirish darvozasi bilan minorasi buzilishida yodgorlikka zarar yetkazgan qurilish rahbariga nisbatan jinoiy ish qo‘zg‘atilgan.
Mazkur holat yuzasidan qurilish rahbari JKning 132 moddasi (Moddiy madaniy meros obyektlarini nobud qilish, buzish yoki ularga zarar yetkazish) bilan ayblangan. Unga nisbatan qamoqqa olish ehtiyot chorasi qo‘llanilgan.
Tergov davomida rahbar tomonidan yetkazilgan 554,4 mln zarar uch karra, yaʼni 1 mlrd 663 mln so‘m miqdorida qoplangan. Qonunchilik talablariga ko‘ra, unga nisbatan qo‘llanilgan ehtiyot chorasi garov ehtiyot chorasiga o‘zgartirilgan.
Hozirda jinoyat ishi bo‘yicha sud-tergov ishlari davom etmoqda.
Maʼlumot uchun, JKning 132 moddasiga asosan, yetkazilgan moddiy zarar uch karra miqdorida qoplansa, qamoq jazosi qo‘llanilmaydi.
