Tollimarjon IESda bug‘-gaz qurilmalari bunyod etilmoqda
Qurilishda mingdan ortiq mutaxassis ishlamoqda.
Tolimarjon IESda investitsiyaviy loyiha asosida umumiy quvvati 1065 MVt bo‘lgan 4-5-sonli bug‘-gaz qurilmalarini bunyod qilish ishlari davom etmoqda.
2025-yilda yagona energotizimga ulanishi ko‘zda tutilgan mazkur bug‘-gaz qurilmalarining ishga tushirilishi natijasida korxonada yiliga qo‘shimcha yana 8,5 mlrd kVt/soat elektr energiyasi ishlab chiqarishga erishiladi.
Ahamiyatlisi, yuqori tejamkor texnologiyalarni qo‘llash hisobiga yiliga 600 million kub metr tabiiy gaz tejaladi.
Ayni paytda bug‘-gaz qurilmalarining turbina poydevorlari bilan bog‘liq armatura va beton ishlari yakunlangan.
Ma’lumot o‘rnida, qurilishda 1 ming 684 nafar mutaxassis, shu jumladan 1 ming 500 nafar mahalliy ishchi-xodimlar mehnat qilmoqda.
