Osh tuzi yetarlicha yodlanmayapti
Bu haqida SanEpidQo‘m vakili maʼlum qildi.
“Tekshirilgan 3451ta osh tuzi namunalaridan 1123 tasi (37 %) belgilangan meʼyorlarga javob bermaganligi aniqlanib, jami 54 tonna osh tuzi qayta yodlash uchun ishlab chiqaruvchilarga qaytarildi”, - deyiladi xabarda.
O‘zbekistonda isteʼmol ratsionida yod tanqisligi muammosi bor. Shu sababli respublikada ishlab chiqarilayotgan osh tuzini yodlash tartibi haqida 2010 yilda Vazirlar Mahkamasining qarori qabul qilingan.
“Bugungi kunda O‘zbekistonda 56 ta osh tuzini yodlash korxonalari faoliyat yuritmoqda. O‘tgan davr mobaynida tarkibida yod kam yoki umuman bo‘lmagan tuzlar miqdori 20 % kamaygan”, - deyiladi xabarda.
