Farg‘onalik ayol erining alimentdan qarzdorligini to‘lab berdi
U erini sobiq xotinidan qizg‘anib, alimentni oldindan to‘lagan.
Farg‘ona shahrida ayol erining birinchi turmushidan bolalariga berishi kerak bo‘lgan alimentni oldindan to‘lab qo‘ydi.
Maʼlumotlarga ko‘ra, Farg‘ona shahrida yashovchi K.M. va X.B.larning turmushi buzilgan, bir o‘g‘il va bir qiz onasi tarbiyasida qolgan. Ota 2023 yildan buyon aliment to‘lovlarini qoldirmasdan to‘lab kelgan. Biroq hozirda birga yashab turgan rafiqasi, erini sobiq xotinidan qizg‘anib, alimentni oldindan to‘lash uchun davlat ijrochisiga murojaat etdi. U aliment pullarini farzandlari voyaga yetgunga qadar oldindan to‘lab berishini aytdi.
Aliment pullarini sobiq turmush o‘rtog‘i to‘liq olgandan so‘ng hujjatlar rasmiylashtirilib, ijro hujjati taraflarning o‘zaro kelishuviga asosan qonunning tegishli moddasi bilan tamomlandi. Otaning hozirgi rafiqasi sobiq turmush o‘rtog‘iga “boshqa bezovta qilmasligini” so‘ragani qayd etildi.
