Sirdaryoda pora bilan ushlangan soliqchi qamaldi
Unga nisbatan sud hukmi o‘qildi.
Maʼlum qilinishicha, Sirdaryo viloyati Soliq boshqarmasining soliq to‘lovchilarga xizmat ko‘rsatish bo‘limi bosh inspektori Guliston shahrida faoliyat yurituvchi 3 ta MCHJning soliq qarzlarini, ushbu MCHJlarni soddalashtirilgan tartibda bankrot deb topish yo‘li bilan bartaraf qilib berish evaziga 4 ming AQSH dollari olgan vaqtida ashyoviy dalillar bilan ushlangan.
Mazkur holat yuzasidan sud ishi JIB Sirdaryo viloyati Guliston shahar sudida ko‘rib chiqildi.
Unga ko‘ra, xodim JKning 168-moddasi 3-qismi “v” bandi, 211-moddasi 1-qismi orqali aybdor deb topilib, unga nisbatan soliq idoralarida har qanday lavozimlarda ishlash huquqidan mahrum etgan holda 2 yil 3 oy muddatga ozodlikdan mahrum qilish jazosi tayinlandi.
