Samarqanddagi kafeda 8 kishi zaharlandi
Jabrlanuvchilarning biri kasalxonada vafot etgan.
Maʼlum qilinishicha, 4 avgust kuni Samarqanddagi kafelardan birida bo‘lib o‘tgan tug‘ilgan kunda odamlar ommaviy botulizm bilan zaharlangan va ulardan bir nafari vafot etgan.
Hozirda kafening faoliyati to‘xtatilib, eshik muhrlangan.
Botulizmga chalingan yana 8 nafar bemor hozirda yuqumli kasallikar shifoxonasida davolanmoqda.
“Bemorlar kelganda ahvoli og‘ir edi. Bir nechtasini jonlantirish bo‘limiga yotqizdik. Hozirda biroz ijobiy o‘zgarishlar bor”, — deydi shifokor.
Bemorlarning so‘zlariga ko‘ra, tug‘ilgan kun tadbirida taxminan 22 kishi ishtirok etgan. Ularning orasida esa 2 yoshli bolakay ham bor.
Hozirda kasallikni kelib chiqish sababini aniqlash yuzasidan maʼsullar tomonidan laborotoriya tekshiruvlari olib borilmoqda.
