Farg‘onadagi to‘yda kortej uyushtirganlar qamaldi
Ularga 5 sutkadan qamoq jazosi tayinlangan.
Farg‘ona viloyatida do‘stining to‘yi kuni kortejlar uyushtirgan huquqbuzar haydovchilar javobgarlikka tortildi.
Bildirilishicha, Farg‘ona viloyatining O‘zbekiston tumanida do‘stining to‘yiga borgan yigitlar boshqa transport vositalarining qatnoviga xalal berib, to‘y korteji uyushtirgan.
Holat yuzasidan o‘rganish ishlari olib borilib, haydovchilar shaxsiga aniqlik kiritilgan va ular boshqaruvidagi mashinalar jarima maydonchasiga joylashtirilgan.
“Tanishimning to‘yida o‘zimni BYD mashinamda qarama-qarshi harakatlandim. Qilgan ishimdan pushaymonman”, deydi haydovchilardan biri.
Qoidabuzarlar mayda bezorilik sodir etganlikda aybli deb topilib, ularning har biriga 5 sutkadan qamoq jazosi tayinlangan.
