O‘zbekistonda go‘sht narxi keskin ko‘tarildi
Bu bo‘yicha Statistika agentligi maʼlumot berdi.
Maʼlum qilinishicha, O‘zbekistonda 2024 yil avgust oyi yakunlariga ko‘ra inflyatsiya 0,53 foiz darajasida qayd etilgan. Bu 2023 yil avgust oyi ko‘rsatkichidan biroz past (-0,01 foiz). Yillik inflyatsiya 10,47 foiz darajasida saqlanib qoldi, yil boshidan narxlar o‘rtacha 5,47 foizga oshdi.
Oziq-ovqat mahsulotlari narxlari o‘tgan oyda o‘rtacha 0,5 foizga oshdi (to‘rt yil ichida eng past ko‘rsatkich, yillik hisobda — atigi 2,8 foizga o‘sish). Nooziq-ovqat tovarlari 0,7 foiz (8,6%), pulli xizmatlar narxi 0,4 foiz (27,6%)ga ko‘tarildi.
