Qozog‘istondagi qamoqxonada mahbuslar isyon ko‘tardi
Hozirda holat bo‘yicha jinoyat ishi qo‘zg‘atilgan.
Qozog‘istonning Turkiston viloyatidagi koloniyada mahkumlar tomonidan tartibsizlik uyushtirildi, uch kishi jarohatlandi.
Jinoyat-ijroiya tizimi qo‘mitasi matbuot xizmatining izohlashishicha, baʼzi mahkumlar qamoqdagi saqlash rejimidan norozilik bildirishgan.
Tartibsizlikda ikki Milliy gvardiya askari va koloniya zobiti yengil tan jarohatlari olgan. Ayni paytda vaziyat barqarorlashgan.
Avvalroq Chimkentdagi koloniyalardan birida 37 yoshli mahbus to‘satdan vafot etgani xabar qilingan. Erkak bir oy oldin qamoqqa tushgan bo‘lgan. Qarindoshlari uning o‘limiga muassasa xodimlarining aloqadorligini aytishgan.
