Toshkentda issiq suv narxi nega oshganiga izoh berildi
Tariflarni oshirish majburiy qadam bo‘lgani aytildi.
Veolia Energy Toshkentda issiqlik va issiq suv narxi 15 foizga oshishi bo‘yicha izoh berdi
“2023 yilda korxonalar uchun elektr energiyasiga tariflar keskin oshdi. Bu qo‘shimcha xarajatlarni qoplash uchun biz 2023 yilning 2 dekabridan boshlab byudjet tashkilotlari va boshqa yuridik shaxslar uchun tariflarni oshirishga majbur bo‘ldik. Biroq aholi uchun tarif 2023/2024 yilgi isitish mavsumi oxirigacha o‘zgarishsiz qoldi. 2024 yilning 2 aprelidan boshlab u 15 foizga oshdi, bu esa energiya resurslari narxining o‘sish surʼatlaridan ancha past”, — deyiladi Veolia Energy xabarida.
Kompaniya tariflarni oshirish majburiy qadam bo‘lganini taʼkidladi.
“Biz iqtisodiy reallik va fuqarolarni qo‘llab-quvvatlash o‘rtasida muvozanatni saqlash uchun barcha choralarni ko‘ryapmiz”, — deyiladi Veolia Energy maʼlumotida.
