Qashqadaryoda isteʼmolga yaroqsiz go‘sht fosh bo‘ldi
Ular Samarqandga o‘tkazish maqsadida olib ketilayotganda to‘xtatib qolingan.
Ko‘kdala tumanida “Umakay” YPX maskanida o‘tkazilgan tezkor tadbirda “Qarshi-Samarqand” yo‘nalishida harakatlanib kelayotgan “Cobalt” rusumli avtotransport vositasi to‘xtatib ko‘zdan kechirilgan. Natijada fuqaro J.Ch. xavfsizlik talablariga javob bermaydigan qoramol go‘shtini o‘tkazish maqsadida olib ketayotganligi aniqlanib, jami 400 kg go‘sht ashyoviy dalil sifatida olingan.
Hozirda mazkur holat yuzasidan Jinoyat kodeksining 186-moddasi bilan jinoyat ishi qo‘zg‘atilib, tergov harakatlari o‘tkazilmoqda.
