Xorijda konsert berayotgan xonandalar ogohlantirildi
“O‘zbekkonsert” muhim bayonot bilan chiqdi.
O‘zbekiston Respublikasining “Madaniy faoliyat va madaniyat tashkilotlari to‘g‘risida”gi qonunining 21-moddasiga ko‘ra, O‘zbekiston Respublikasi hududidan tashqarida konsert-tomosha tadbirlarini amalga oshirish to‘g‘risida “O‘zbekkonsert” davlat muassasasini yozma ravishda xabardor qilish shartligi belgilab qo‘yilgan.
“O‘zbekkonsert” davlat muassasasi bunday faoliyat noqonuniy ekanligini taʼkidlab, O‘zbekiston Respublikasi tashqarisida konsert-tomosha tadbirlarini tashkil etish va rejalashtirishda “O‘zbekkonsert” davlat muassasasini xabardor qilgan holda faoliyat yuritishlari lozimligi to‘g‘risida ogohlantirgan.
“Bugungi kunda ushbu talablarga rioya qilmay xorijda konsert dasturlarini rejalashtirib o‘tkazayotgan xonandalar yo‘q emas. Litsenziya talab va shartlariga rioya qilmagan sanʼatkorlarning litsenziyasi “O‘zbekkonsert” davlat muassasasi tomonidan muddatidan oldin to‘xtatilishi maʼlum qilinadi”, deyiladi xabarda.
