Toshkentda haydovchilar bir-birini do‘pposladi
Holat yuzasidan rasmiy munosabat bildirildi.
Aniqlanishicha, Matiz va Spark rusumli avtomashina haydovchilari Sergeli tumani Yangi Sergeli ko‘chasida harakatlangan vaqtida yo‘l talashgan. Shundan so‘ng ular avtomashinasidan tushib, jamiyatda yurish-turish qoidalarini qasddan mensimasdan yo‘lning qatnov qismida jamoat tartibini buzib o‘zaro urishishgan.
Haydovchilar bu holat yuzasidan muqaddam IIOga murojaat qilmagan.
Holat yuzasidan haydovchilarga nisbatan Sergeli tumani IIO FMB tomonidan Maʼmuriy javobgarlik to‘g‘risidagi kodeksning 183-moddasi (mayda bezorilik) bilan maʼmuriy bayonnoma rasmiylashtirilgan.
To‘plangan hujjatlar qonuniy chora ko‘rishlik uchun jinoyat ishlari bo‘yicha tuman sudiga taqdim etilgan.
