Samarqandlik erkak xotinini ketmon bilan urib o‘ldirdi
Unga nisbatan 19 yil qamoq jazosi tayinlandi.
Ushbu holat joriy yilning 14 iyul kuni Urgut tumanida sodir bo‘lgan. Oilaviy kelishmovchilik sabab kelib chiqqan janjal o‘lim bilan yakunlangan. Aniqlanishicha, marhum ayol 23 yoshda bo‘lib, uning 2 nafar farzandi bo‘lgan.
“Bilmay, bexosdan qilgan jinoyatim uchun hammadan uzr so‘rayman. Kechiringlar”, - degan sudlanuvchi sud zalida.
Sud hukmiga ko‘ra, sudlanuvchi erkak JKning 97-modda 2-qismi “j” bandi bilan aybdor deb topilib, unga nisbatan 19 yil muddatga ozodlikdan mahrum qilish jazosi tayinlangan.
