“Koronavirus laboratoriyada ishlab chiqilgan”

AQSH Kongressi ikki yil davomida SARS-CoV-2 virusining kelib chiqishiga oid tergov natijalari bo‘yicha 520 betlik hisobot eʼlon qildi. AQSH Nazorat va hisobdorlik bo‘yicha qo‘mita virus Uxan virusologiya institutidagi laboratoriyadan yoki, ehtimol, tadqiqotlar jarayonida tarqalgan, degan xulosaga keldi. Hisobotda virusda tabiatda uchramaydigan biologik xususiyatlar borligi taʼkidlangan.

 

Hisobotda keltirilishicha, xitoylik tadqiqotchilar 2019 yil kuzida SARS-CoV-2ga o‘xshash virus bilan kasallangan, bu holat kovid Uxandagi bozorda birinchi marta aniqlangan kundan bir necha oy oldin sodir bo‘lgan.

 

Hujjatda shuningdek, AQSHdagi lokdaun iqtisodiyot va aholi salomatligiga foydadan ko‘ra zarari ko‘proq bo‘lgani, maktablarda darslarni bekor qilish esa yoshlarning rivojlanishiga uzoq muddatli taʼsir ko‘rsatgani aytilgan.