Halima Ibragimovaning o‘limi sababi maʼlum bo‘ldi

O‘zbekiston xalq artisti Yulduz Usmonova o‘zining Instagramdagi shaxsiy sahifasida jonli efir vaqtida marhum aktrisa Halima Ibragimovaning o‘limi sababi haqida gapirdi: 

 

"Grijasi bor edi. Yo grijasini oldirish kerak edi, yoki tana vaznini yengillashtirish kerak edi. Shuning uchun menga ham bildirmay oshqozonini kestirish amaliyotini qildiribdi. Yo‘q bo‘lib qoldi. Xavotirlanib qo‘ng‘iroq qildim: Opa, operatsiya qildirgandim, joyi yiringlab ketibdi”, - dedi.

 

Operatsiya boshqatdan qilinganida teri yetmay qoldi, 20 ga 50 joyi ochiq turgan, o‘sha joy yiringlagan. Umri shu joygacha ekan. Biz shunday bo‘lishini bir hafta oldin bilgandik, tayyor bo‘lib turgandik. Bugun o‘sha joyi tikilishi kerak edi. Kamiga qondagi qand miqdori ham 30 ga ko‘tarilib ketibdi. Qon bosimi ham juda baland edi.

 

Halima yoshligidan shafqatsiz olamda voyaga yetdi. Ota-onasidan erta yetim qolgan edi. Taʼsirchan, tezda yig‘lab yuboradigan qiz edi. Namozga egilib qolgandi. Umralarni niyat qilgandi. Birinchi operatsiya qilinganida ham bir komaga tushib qaytib chiqqandi. O‘shanda reanimatsiyada yotgandi. “Reanimatsiyada uch kishi yotdik. O‘shanda yotganimda bitta katta odam keldi, u meni olib ketgani keldi, deb o‘yladim. Ertalab yonimda yotgan ayol vafot etganini eshitdim”, deb yig‘lab aytib bergandi. Xullas, o‘limi yaqinligini ko‘ngli sezgan, ayon bergan. Ertadan keyin safarga ketaman, unga ham umra badal qilaman", - dedi Yulduz Usmonova.