Hazoraspda kiyim do‘konlari yonib ketdi
Yong‘inni o‘chirishga 13 ta yong‘in-qutqaruv ekipaji jalb qilingan.
Bugun, 14 dekabr kuni tonggi soat 03:03 da Xorazm viloyati, Hazorasp tumani, “Bog‘dor” MFY, E.Gayazov ko‘chasida joylashgan yengil tipdagi konstruksiyadan yasalgan kiyim-kechak do‘konlarida yong‘in sodir bo‘lgani to‘g‘risida FVBga xabar kelib tushgan.
Shunga ko‘ra, 13 ta yong‘in-qutqaruv ekipaji soat 03:07 da hodisa joyiga yetib borgan. Yong‘in soat 03:50 da o‘rab olinib, soat 05:00 da bartaraf etilgan.
Yong‘in natijasida tan jarohati olgan va vafot etganlar yo‘q.
Hozirda yong‘in sababi va keltirilgan moddiy zarar miqdori aniqlanmoqda.
