Farg‘onadagi sexda yong‘in chiqdi
Hodisa oqibatida bir kishi halok bo‘lgan.
Bugun, 21 dekabr kuni soat 14:13 da Farg‘ona shahar “Mustaqillik” MFY Kimyogar ko‘chasida joylashgan salidor va litol ishlab chiqarish sexida yong‘in sodir bo‘layotganligi yuzasidan FVBga xabar kelib tushgan.
Yong‘in-qutqaruvchilar hodisa joyiga 14:21 da yetib borib, 14:24 da o‘rab olinib, 14:32 da yong‘in batamom o‘chirilgan.
Hozirda yong‘inning kelib chiqishi sababi va zarari aniqlanmoqda. Yong‘in oqibatida bir nafar inson voqea joyida vafot etgan.
