Toshkentdagi bog‘chada bola kaltaklanishi sabab oyog‘i sindi
Hozirda holat yuzasidan surishtiruv olib borilmoqda.
Ijtimoiy tarmoqlarda bog‘chada bola kaltaklanishi oqibatida oyog‘i singani aks etgan video tarqalib, keng muhokamalarga sabab bo‘ldi.
Holat yuzasidan Toshkent shahar maktabgacha va maktab taʼlimi boshqarmasi rasmiy munosabat bildirdi. Maʼlum qilinishicha, holat joriy yilning 22 yanvar kuni Sergeli tumanidagi “Solnishko” xususiy Maktabgacha ta'lim tashkilotida sodir bo‘lgan.
Unda tarbiyachi yordamchisi tarbiyalanuvchini tinchlantirish maqsadida uni yuzlariga urib, tortganicha yotoqxonaga olib kirgan. Jarohat yetkazilishi oqibatida bolaning chap oyog‘i singan.
Bolaga tez tibbiy yordam ko‘rsatilgan va 16-sonli Respublika shoshilinch tez tibbiy yordam shifoxonasiga yetkazilgan.
Hozirda ushbu holat yuzasidan huquq-tartibot idoralari tomonidan surishtiruv ishlari olib borilmoqda.
