Olimlar yangi mikroblarni kashf etdi
Ular iqlimni sezilarli darajada o‘zgartirishi mumkin.
Amazon o‘rmonidagi torfzorlarda topilgan mikroblar Yerning global uglerod balansiga sezilarli taʼsir ko‘rsatishi mumkin.
Olimlar murakkab mayda mikroorganizmlar ulkan ekotizimlarni shakllantirishi va sayyoraning kelajakdagi iqlimiga taʼsir qilishi mumkinligini aniqladilar. Tadqiqot Microbiology Spestrum jurnalida chop etildi.
Olimlar Janubiy Amerikaning Perudagi Amazon tropik o‘rmonlarida kislorod kam bo‘lgan torfzorlarda nomaʼlum mikroblar populyatsiyasini aniqladi. Tadqiqot mualliflarining fikricha, bu mikroblar sayyoraning uglerod aylanishida ikki tomonlama rol o‘ynaydi. Bu jarayon uglerodni barqarorlashtirishi yoki uning karbonat angidrid va metan sifatida chiqarilishini boshlashida, albatta, muhim o‘ringa ega.
Bu mikroblar uglerod oksidini isteʼmol qiladi va uni energiyaga aylantiradi, shu bilan birga atrof-muhitdagi uglerodning toksikligini kamaytiradi. Kimyoviy birikmalarni parchalash orqali mikroblar vodorod va karbonat angidrid hosil qiladi, boshqa mikroblar esa metan ishlab chiqarishda foydalanadilar.
Ammo yog‘ingarchilik, harorat va inson faoliyatining o‘zgarishi sabab yerlarning karbonat angidrid va metan kabi issiqxona gazlarini chiqishiga olib keladi.
Olimlarning fikricha, yer iqlim o‘zgarishini qo‘zg‘atmasligi uchun ularni himoya qilish kerak. Yangi mikroblar iqlim muammolarini hal qilishda asosiy element bo‘lib, hatto eng kichik organizmlar ham sayyoramizga katta taʼsir ko‘rsatishi mumkinligini ko‘rsatadi.
