Ichak saratonidan himoya qiluvchi 10 ta mahsulot
To‘g‘ri ovqatlanish orqali ichak salomatligini qo‘llab-quvvatlash va saraton xavfini kamaytirish mumkin.
Britaniyalik diyetolog Jenna Xoupning taʼkidlashicha, suli yormasi, no‘xat, qora o‘rik va malinadan iborat mahsulotlar ichak saratonining oldini olishda muhim ahamiyatga ega. Ushbu mahsulotlar tarkibida ko‘p miqdorda tolalar mavjud bo‘lib, ular ichak mikrobiotasi faoliyatini qo‘llab-quvvatlaydi va ovqat hazm qilish tizimini yaxshilaydi.
Tadqiqotlarga ko‘ra, kunlik tolalar miqdorini yetarlicha isteʼmol qilmaslik yo‘g‘on ichak saratoniga chalinish xavfini oshiradi. Shifokorlar kuniga 30 gramm tola isteʼmol qilishni tavsiya etadilar.
Quyidagi mahsulotlar ayniqsa tolaga boy hisoblanadi:
Suli yormasi – 50 grammli kichik kosada 4,6 gramm tola mavjud.
No‘xat – uch qoshiq bilan 4,48 gramm tolaga ega.
Qora o‘rik (quritilgan) – 100 grammda 7,9 gramm tola bor.
Malina – 20 dona mevada 5,4 gramm tolaga ega.
Shuningdek, qora loviya, popkorn, bodom, chia urug‘lari, avokado va shirin kartoshka ham tolaga boy mahsulotlar qatoriga kiradi. Ayniqsa, shirin kartoshkani po‘stlog‘i bilan isteʼmol qilish tavsiya etiladi, chunki u eng ko‘p o‘simlik tolalarini o‘z ichiga oladi.
Komila Odilova tayyorladi
