Toshkentda 3 ta mashina ishtirokida YTH yuz berdi
Holat yuzasidan rasmiy maʼlumot berildi.
Qayd etilishicha, 7 fevral kuni soat 23:10 larda Yangihayot tumani Navqiron MFY hududidagi 30-uy qarshisida Lacetti rusumli avtomashina haydovchisi mast holatda rul boshqaruvini yo‘qotib, to‘xtab turgan 2 ta Cobalt avtomashinasi bilan to‘qnashuv sodir etgan va to‘qnashuvdan so‘ng temir ustunga borib urilgan.
Holat yuzasidan voqea joyiga tezkorlik bilan yetib borgan YPX inspektorlari, guvohlar va haydovchi bilan suhbat jarayonida haydovchi o‘z so‘zidan mast holatda ekanligi maʼlum qilgan.
YTH natijasida Lacetti haydovchisiga tez tibbiy yordam xodimlari tomonidan birinchi yordam ko‘rsatilgan. Holat yuzasidan Toshkent shahar IIBB YHXB masʼul xodimlari tomonidan dastlabki tergov oldi surishtiruv harakatlari olib borilmoqda.
