Surxondaryoda ona eriga jahl qilib bolasini kaltakladi
Holat yuzasidan rasmiy munosabat bildirildi.
Ijtimoiy tarmoqda Surxondaryo viloyatining Sariosiyo tumanida ayol go‘dak bolasini urayotgani aks etgan video tarqalgandi. Mazkur holat yuzasidan Bolalar ombudsmani rasmiy munosabat bildirdi.
Olib borilgan tekshiruv natijalariga ko‘ra, videodagi holat 1 yil avval sodir bo‘lgan. Sariosiyo tumanida yashovchi 24 yoshli ayol 2024 yilning may oyida sobiq turmush o‘rtog‘i bilan janjallashib qolgan. Erkak bolasi uchun aliment va boshqa moddiy taʼminot bermaganligi uchun ayol eriga bosim qilib qo‘rqitish maqsadida videoqo‘ng‘iroq qilgan va 2 yoshli farzandini urib tasvirga olgan.
Tergovga qadar tekshiruvda bolani sog‘lig‘iga zarar yetmaganligi aniqlanganligi sababli holat yuzasidan ayol Maʼmuriy javobgarlik to‘g‘risidagi kodeksning tegishli moddalari bilan huquqbuzarlik sodir qilgan deb topilib, Jinoyat ishlari bo‘yicha Sariosiyo tuman sudi tomonidan uning javobgarligi masalasi hal etilgan.
Hozirda ayol sobiq turmush o‘rtog‘i va uning oila aʼzolari bilan o‘zaro nizo vaziyatida bo‘lib, bu borada tergovga qadar tekshiruv harakatlari olib borilmoqda.
