Tesla 376 mingdan ortiq mashinani qaytarib oladi
Bunga rul bilan bog‘liq muammolar sabab bo‘lgan.

Amerikaning Tesla elektromobil ishlab chiqaruvchi kompaniyasi AQSHda 376 mingdan ortiq mashinani rul gidrokuchaytirgichi bilan bog‘liq muammolar tufayli chaqirib oladi.
Muammo dasturiy taʼminot bilan bog‘liq bo‘lib, u rul kuchaytirgichining, ayniqsa kichik tezlikda, samarasiz bo‘lishiga olib kelishi mumkin. Bu baxtsiz hodisalar xavfini oshiradi.
Model 3 va Model Y 2023 yilgacha bo‘lgan dasturiy taʼminot versiyasi bilan chaqirib olinadi.
Federal regulyator NHTSA tekshiruvi Tesla avtomobillari egalarining shikoyatlaridan so‘ng boshlagandi. Shundan so‘ng ishlab chiqaruvchi dasturiy taʼminotni yangiladi.







