Kongoda 52 kishi nomaʼlum kasallikdan vafot etdi
Kasallik barcha yoshdagi odamlar uchun xavfli.
Kongo Demokratik Respublikasi (KDR) shimoli-g‘arbida qayd etilgan, kelib chiqishi nomaʼlum bo‘lgan isitma kasalligidan 50 dan ortiq odam vafot etdi.
“943 ta holat, shu jumladan 52 ta o‘lim holati qayd etildi, bu o‘lim darajasining 5,5 foiziga to‘g‘ri keladi”, - deyiladi mahalliy nashr xabarlarida.
Aniqlanishicha, ilk kasallanish holatlari joriy yilning 9 fevral kuni qayd etilgan. Kasallik barcha yoshdagi odamlar uchun xavfli hisoblanib, alomatlari orasida isitma, titroq, bosh og‘rig‘i, mushak og‘rig‘i, bo‘g‘im og‘rig‘i bor.
Shu bilan birga, KDR Sog‘liqni saqlash vazirligi Ebola isitmasi epidemiyasi ehtimoli haqidagi gipotezani rad etdi, deya taʼkidladi Actualite.
